你點解唔同J先生旅行，要自己一個人去呢?
話說我上星期去咗星加坡，然後十萬個人追問我同一個問題。
的確，曾經我因為單身所以選擇獨遊，而家既然身邊有伴，又點解要一個人出走呢？我同呀J啱啱同居咗三個月，對於我呢一個需要好多me time嘅人正在調節自己嘅心態之中，所以我更加好奇拍拖同獨遊之間嘅關係。因為我覺得，我就係我，當然適當嘅時候我懂得妥協，但係我並唔會因為拍拖結婚生小朋友而放棄自己某一啲qualities 。有人話一齊去旅行嘅情侶可以增加甜蜜回憶，亦有人話小別勝新婚。況且J先生亦忙着搬公司，我亦捱過咗一個project...咁係時候喇！
就喺上機嘅一刻我突然有種微微反叛嘅感覺，由於獨遊好多時只有靠自己，那種非常熟悉單身時候嘅屈強mode自動unlock (而我亦相信我上機嘅一刻J先生一定喺屋企載歌載舞 😂）。我仍然深信獨遊最大收穫在於學會同享受自己相處，喺一場”對自己放下執着”嘅修行。
但我必須坦誠，寂寞感亦真係存在。尤其當你被世界美好環境包圍之下，或者遇到搞笑嘅事，的確好想同一個人一齊被感動或者分享。今次唔同嘅係，過去獨自單身出走嘅我會期盼呢一個人快啲出現就好喇，感覺有點苦；而今次自己我領悟到嘅係，我自己一個人都可以好好過活無話無咗邊個會死，不過我知道我仍然會決定同呢個男人一齊就係我嘅最後選擇。
一個人嘅時光叫快樂，兩個人嘅叫幸福。
#就算拍拖都可以自己去旅行 #獨遊 #女人像鹽
Search